أنواع التربة .. مميزات و عيوب

هنتكلم علي حاجه تعد من اخطر الحجات اللي ممكن تأثر علي منشأ بل وقد تتسبب في انهياره الا وهي التربة فعشان اقدر اتعامل معاها المفروض اني اكون عارفه ايه المخاطر اللي بتصيب التربة او انواع التربة اللي بتمثل ضرر بلنسبالي عشان اقدر اعالجها وابني المنشأ بتاعي.

اول نوع هو التربة الانتفاخية :

طب يعني ايه تربة انتفاخيه؟هي تربة حجمها بيتغير مع وجود المياه بالزيادة او مع الجفاف بالنقصان,والتربة الاكثر عرضة لذلك هي التربة الطينية.
-اكيد برده في معدل للانتفاخ المعدل ده بقي بيتوقف علي ايه؟؟هيوقف علي المعادن المكونه للتربة وهيتوقف برده علي حالة الضغط,الرطوبة,الكثافة
-طب ايه الحل مع التربة دي؟؟1-هشيل الطبقة الانتفاخيه.
2-هعمل شبكة صرف عشان اتخلص من المياه.
3-اللبشة هخليها علي كامل مسطح المبني في تصميم الاساسات.
3-هستخدم الاسمنت والجير عشان يقوا الروابط بين الجزيئات وزيادة قوتها.
4-اتحكم في اتجاة الانتفاخ وبالتالي هصمم اساسات بها تجاويف تسمح بالانتفاخ من غير متسبب اي ضرر للمبني
طبعا التربة دي كفيله انها تدمر مبني بالكامل فوقها.

تاني نوع التربة الانهيارية :

هي تربة قوبة ومتماسكة وكمان كثيفة بتتكون من مواد محببة او مغلفة بكمية صغيرة من الطين والطمي والملح والتي تعمل علي تماسك الحبيبات مه بعضها ،المياه بقي لما بتوصل للتربة دي بتضعفها وحجم التربة بيتغير فجأه فتنهار وبالتالي تسبب انهيار للمبني.
-الانهيار برده بيعتمد علي :نسبة المياه،الكثافة،قيمة الضغط.
-عشان اعالج كل ده المفروض اني اعمل ايه؟؟1-هشيل طبقة التربة الانهيارية.
2-هعمل برده شبكة صرف كويسة عشان تقلل كمية المياة الواصله للتربة.
3-هضيف مواد كميائية تحسن خواص التربة.
4-غمر التربة بالماء عشان اقلل من هبوطها.
5-هدك التربة عشان تعطيني كثافه كويسة طبعا باستخدام طرق الدك المختلفة.

 

13872987_1746761348929599_5302408630842019814_nmona2

 

هنتكلم عن حاجه تانية تسبب ضرر للتربة السيخة :

طب يعني ايه الاسم الغريب ده؟؟ هي ترسبات ملحية مختلطه بتربة رملية او طمييه مع قليل من الطين.
تكونت ازاي؟؟التربة تشبعت بمياة البحر الملحه فلما الشمس بخرت المياه دي اتفضلت الترسبات الملحية.
طيب ايه اضرار الترب دي؟؟ هيضعيفة وليها قابلية للانضغاط والهبوط عشان فيها نسبه فراغات ورطوبة عالية وبالتالي تتسبب في انهيار المنشأ
طب احل المشكلة دي ازاي؟؟
1-اني هحمل التربة بأحمال زي اللي هحملها بيها او اكتر لفترة زمنية عشان احصل علي اعلي نسبة هبوط وبعدين اشيل الاحمال.
2- هستخدم برضه نفس الطرق اللي فاتت.

تكهفات الحجر الجيري :

-يعني ايه؟؟التكهفات دي عبارة عن فجوات موجوده بالحجر الجيري يصل حجمها من سنتيمترات الي امتار الفجوات دي جواها مواد متحلله من الصخر
-طب ايه سبب تحلل المواد دي؟؟في بعض اماكن الصخر الضعيف نتيجة وجود المياة الجوفيه المحتويه علي الكبريتات والكلوريدات فتتفاعل مع كربونات الكالسيوم الموجوده بالصخر.

مشكلة التكهفات دي اني مبقدرشي احدد مكانها ،كمان في اعمال الجسات ممكن اغفالها لانها ممكن تكون بيم حفرتين قريبين من بعض ،وبالتالي يتسبب في ذلك انهيار في الاساسات.
في طبعا اختبارات بعد كده بعملها عشان اشوف فيه تكهف والا لا بالدق علي الصخر باانبوبة معدنية واشوف سرعه الاختراق .

-لو اتضح ان فيه تكهفات هعمل ايه:

1- لو قريبه من الاساسات هحفر واشيل التكهفات وانظف مكانها.
2- لو بعيده عن الاساسات هحقنها بالاسمنت عشان احسن من خواصها وقوة تحملها.
3- هستخدم اسمنت مقاوم للكبريتات تحت الاسسات
-نري ايضا ان المياة الجوفية والزلازل تؤثر علي التربة تأثير سلبي.

*مرفق بالمقال صورة لبرج بيزا المائل وايضا صورة للتربة الانتفاخية

Tags:

You may also like...

0 thoughts on “أنواع التربة .. مميزات و عيوب”

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *