جانب من تصميم و تنفيذ الخرسانة المسلحة

•ماذا تعرف عن الخرسانة المسلحة ؟
هي أهم حاجة لازم تتأكد منها في الموقع لأنها الهيكل الي هيشيل المنشأ بأحماله المختلفة سواء D.L او L.L

•هنستخدم زلط ولا سن ؟
بص بقى الزلط بيتميز بقوة التحمل،والسن بيتميز بقوة التماسك عشان شكله مش منتظم وطبعا الغامق أفضل.ولازم يكون خالي من التراب والمواد الناعمة ولازم الركام الكبير يتغسل قبل الاستعمال.

عندك سن زيرو (مثل قش الرز) بيكون للتشطيبات،وأفضل زلط الزلط السويسي بيكون في حجم البيضة.

•الرمل حرش ولا ناعم ؟
الحرش للخرسانة،والناعم للمحارة والتشطيبات،ولازم يكون خالي من الطفلة.

•هتتسأل في الموقع ٤،٦ ولا ٣،٥ ؟
طبعا لازم تكون عارف ان الزلط والرمل بيتعاير بالمقطف الي بنعايره بصندوق خشب ١*١*٠.٤ ونشوف الصندوق عشان يتملى محتاج كام مقطف رمل وكام مقطف زلط وتقريبا الزلط ضعف الرمل.

•خلاطة نحلة ولا لباني ؟
النحلة سعتها ١/٧ م٣ وتعملك ٤٠ م٣ فاليوم
اللباني بتكون مزودة بصناديق لإضافة المواد الخلاطة وتوفير الوقت للنصف وتعملك ٨٠ م٣ فاليوم وتجبلها لودر لو المساحة كبيرة .
**************************************
عند صب solid beam هتعمل ايه ؟
ممكن المقاول يقولك هنصب الكمرات الأول وبعد كده السقف وطبعا الكلام ده غلط ، أما الصح انك هتصب كل باكية لوحدها بكمرتها بسقفها وتعمل فواصل الصب عند خمس البحر (zero moment ) .
وتاني يوم تنظف الخرسانة القديمة وتحط عليها (أسمنت صافي بالماء)للربط بين القديم والجديد.

الأسمنت أخباره ايه ؟
الأسمنت لازم يكون ناعم زي الدقيق وممكن المقاول يشونه فوق البلاط والكلام ده غلط ، والصح انك تشونه فوق مصطبة خشب أو عروق عشان الرطوبة ويغطى بشمع عشان المطر.
وطبعا الأسمنت الخاص بالأساسات هو المقاوم للكبريتات ، ولا يستخدم الأسمنت الحجر الجيري في الخرسانة المسلحة.

لما العامل يسألك هتفك الشدة الخشب امتى يا باشمهندس ؟
هترد عليه بكل ثقة وتقول :
جوانب الأعمدة والكمرات والأساسات تفك بعد ٢٤ ساعة وتطبيق الكمرات والأسقف بعد ( أكبر بعد صغير فالسقف *٢ + ٢يوم) ولو في باكية شاذة في أبعادها تفك على حدى.
طيب لما يقولك اسمنت سريع التصلد يبقى هتفك بعد نصف الوقت بحد أدنى ثلاث أيام

1919336_1705363079683358_5209289538783473629_n (1)

صدأ الحديد هتعمل فيه ايه ؟
لو مأثر على الحديد و النتوءات تآكلت يبقى تجيب غيره لكن لو مش مأثر عليه هتستخدم الرمالة أو صاروخ موصل بفرشة عشان تنظفه.

هتضبط منسوب الصب ازاي؟
في حالتين هنا لو جوانب هتعلم على حديد اللاتزانة ولو في النصف هتحفظ سياخ بارتفاع الصب او تحدد ارتفاعك بالكانات أو القفيز .
***************************************
اختبارات الخرسانة ؟
لكل عنصر بحد أقصى ١٠٠ م٣ (٦مكعبات) طيب لو زاد يبقى كل ٥٠ م٣ زيادة ناخد مكعب زيادة وتحط عليه التاريخ والرقم.

هتعالج المكعب في نفس الظروف وكمية الماء الي هتعالج بيها العنصر بتاعه يعني هتحطه جمبه وتعالجه مع العنصر بتاعك.

المقاول ممكن ينصب عليك عشان كده لازم تكون صاحي وانته بتصبه وتعلمه وتكون في المعمل وتقرأ القراءات بنفسك والتكسير بعد ٧ وبعد ٢٨ يوم

لو فشل الاختبار بتستخدم اختبار الكور ولو فشل بتستخدم اختبار التحميل ولو فشل بتغير استخدام المنشأ ولو المالك رفض بتهد على حساب المقاول والاستشاري .

اختبار المخروط عشان تحدد الهبوط وبيتناسب عكسي مع مرور الوقت ودرجة الحرارة.

والبيانات في الجدول المرفق.12891041_1705362583016741_4316742791961173586_o

حديد التسليح لل م٣ :
أساسات ١٠٠كج…أعمدة ٨٠كج…السقف الsolid ٨٠كج…السقف الflat ١٢٥ كج …المبنى ككل ١٠٠كج

نسب الخلطة كام في العموم أو الشغل التقليدي ؟
الإجهاد ٢٥٠ كج /سم٢
م٣ فيه ٠.٨ زلط أو سن و٠.٤ رمل و٣٥٠ كج أسمنت (٧شكاير)
**************************************
توريد المواد يتم ازاي ؟
النقلات الكبيرة أوفر بس مش مسموح ليه تمشي في الشارع إلا في منتصف الليل وحتى الفجر .
٣ م٣ نهارا وليلا أما ١٠و٣٨ م٣ ليلا فقط

طبعا بتحاول تحط خلاطك في نصف الواجهه والرمل في ناحية والزلط في ناحية.
وطبعا لازم تكون حاسب بعدك عن مكان التشوين قد ايه وتروح تشوف الركام بنفسك وتتأكد من حجم العربية وأن سطحها من فوق مستوي مش هرمي .

في الموقع تظبط الخلطة ازاي؟
تخلي عامل واقف على الخلاطة وهوه الي يضيف الماء وعامل للأسمنت وعمال للرمل وضعفهم الزلط وتشوف كل واحد هياخد مشوار ولا اتنين.

الماء أهم حاجة ؟
تعبي بالصفيحة وايك تعبي بالخرطوم عشان مش هتعرف تظبط العيارات وتعبي برميلك قبل الصب (كل واحد٢٠٠لتر) عشان توفر وقت،وتخلي الماء في حدود ٤٠٪ل٥٠٪ من الأسمنت.

سند جوانب الحفر ؟
ممكن تعمل ثقوب بالإزميل وتحقنها بالجراوت عن طريق ال compressor .

ملحوظة هامة:
أي تعاملات مع المقاول لازم تكون موثقة بورق رسمي عشان لو حصل أي مشاكل يكون عندك الورق

Tags:

You may also like...

0 thoughts on “جانب من تصميم و تنفيذ الخرسانة المسلحة”

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *