مكونات الخلطه الخرسانيه

مكونات الخلطه الخرسانيه 

 

الركام
بيعتبر هو المادة المالئة في الخلطة الخرسانية و دا لأنه بيشكل حوالي 65% من تركيبة الخلطة ، عشان كده لما اختار الركام في الموقع بأخد في الحسبان شوية اعتبارات 

منها أنه لازم يكون جيد التدرج و اقتصادي من حيث السعر و تكلفة النقل ،

و أكيد متانته ومقاومته و المتوافر فى البيئة بتاعتى يعنى فى أماكن متوافر فيها الزلط و مش موجود فيها سن ..

طب يحصل ايه لو استخدامت ركام صغير بس أو ركام كبير بس في الخلطة بس ؟!

الغالب عندنا هو استخدام زلط فينو او سن 1 وسن 2 دولوميت، مع المقاس الاعتباري الاكبر ميزدش عن 25 مم .
بس مع اختبارات التحميل عرفنا أن استخدام سن 1 دولوميت عتاقة بتكون المقاومة اكبر من استخدام سن 2 او زلط .

 

المياه

لو زادت فى الخلطه الخرسانية عن التصميم دى كارثة لان زياده نسبة المية فى الخلطة الخرسانية هتقلل المقاومة للنص تقريبا

زيادة نسبة المياه يُقلل الاجهاد و يُسبب انفصال حبيبي بين مكونات الخرسانة ولا تكون المواد متجانسة و هيسببلك نضح للمياه على وش الخرسانة فتتبخر و تظهر الشروخ الشعرية اللى يتُسبب صدأ الحديد اذا تعرضت لأملاح او كلوريدات .
سبب اضافة العمال للمياه هو انها بتسهل الخلط والصب و تقلل تعب الدمك (زيادة التشغيلية) زيادتها بتكون عن طريق استخدام الاضافات عوضاً عن زيادة نسبة المياه.
ان زادت المياه في عربة خرسانة اي تعطي slump اكبر من 22 سم يتم رفض عربة الخرسانة فور

= طب ايه هيكون الحل لو زادت , هزود رمل ولا ازود اسمنت ؟؟

الحل هو انك لابد من المحافظة على نسبة م/س التصميمية المحسوبة من تصميم الخلطة والتي تختلف باختلاف نسبة المواد الناعمة بالركام ونتيجة تحليل المناخل له . يعنى تعمل تصميم جديد للخلطة من الأول و تصلح الخطأ … بس دايما الصيانة أرخص من العلاج

طب ولو فى مؤخرات شك واانا عاوز اخلى الخرسانه تشك علشان اعمل تسويه بالهيلكوبتر اعمل ايه ؟؟!!

عندك حالين
– الاول انك تستنى لما الخلطه تاخد وقتها الطبيعى وبعدين تصب ( يعنى تنتظر الخرسانه تشك ) .. دا فى حالة انك تملك وقت
– عدم اضافة مؤخرات الشك من البداية و استخدام اضافات تقلل نسبة المياه بس .

مع ملاحظة انه لابد من معرفة الزمن من خلط الخرسانة وحتى وصولها الموقع وصبها ومعرفة هل ستستخدم هيليكوبتر ام لا لان العوامل دى تدخل ف اختيار نوع الاضافة الكيميائية المستخدمة بحيث انها متتفاعلش مع الـ hard top اللى انت هتستخدمه زى السيكا شبدور Sika Chapdur Premix مثلا ..

 شرح الدكتور محمود الإمام لتصميم الخلطة 

برنامج تصميم الخلطة الخرسانية هيساعدك فى حساب الكميات

Tags:

You may also like...

0 thoughts on “مكونات الخلطه الخرسانيه”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *