حساب كمية الأخشاب

طريقة حساب كمية الأخشاب المطلوية للشدة الخشبية للأسقف .

 

السقف الـ SOLID SLAB

شدة السقف بتكون ألواح لتزانة و عروق
=اللتزانة عرضها بيكون 10 أو 12.5 سم و سمك 2.5 سم
أطوالها اللى بتختلف و أشهرها 2.7 – 3.00 – 3.30 – 3.60 متر .
و بنستخدمها فى التطبيق و الكمرات و العراقات و البرندات .

كمية اللتزانة اللى بنحتاجها بتكون تقريبا ضعف مسطح السقف ..
يعنى سقف 400 م2 يحتاج خشب لتزانة 800 متر2
بس الخشب بالمتر المكعب !!
نحول الـ 800 لمكعب نضربها فى السمك 0.025 = 20 متر خشب .

اللتزانة المطلوبة بالمتر مكعب = مساحة السقف * 0.05

 

الأسقف الفلات FLAT SLAB و كمان ال HOLLOW BLOCK الهوردى .

كمية اللتزانة = مساحة السقف *1.5 و نحولها للمتر المكعب بعد كدا
السقف 400 م2 *1.5 = 600 م2
600 *0.025 = 15 متر مكعب لتزانة

اللتزانة المطلوبة بالمتر مكعب = مساحة السقف * 0.037

= نيجى بقى للعروق و القوائم الخشب قطاعها مربع 7.5 سم أو 10 سم و ارتفاعها بيكون 2.7 متر عشان تكون مناسبة للأسقف فى المنشأت السكنية .. دى احتايجها بيكون حسب السقف نفسه و بحوره .
بس ممكن نحسب عدد تقريبى ..

عدد العروق = مساحة السقف * 1.7
السقف بتاعنا 400 متر * 1.7 = 680 عرق تقريبا
تكعيبة العرق الواحد = 2.7 * 0.1 * 0.1 و بعد كدا نضربها فى عدد عروق السقف
السقف السابق هيحتاج 18.3 متر3

خشب العروق بالمتر مكعب = مساحة السقف * 0.045

Tags:

You may also like...

0 thoughts on “حساب كمية الأخشاب”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *