الفواصل الانشائيه

الفواصل الانشائيه

       

ليه بنستخدم الفواصل الإنشائية المختلفة فى أعمال التنفيذ كلها من أول الكبارى حتى الأرضيات فى المبانى و الحوائط و الأسوار و غيرها و غيرها

قبل كل شئ عندك Straining action لو صممت عليها مش محتاج فواصل بس هكبر قطاعات و حديد اكتر و دا Cost عالي …
طب ايه فكره الفواصل دى فكره حلوه ابتكرت علشان تقلل الاجتهادات بس كده فقللت القطاع و الحديد .

 طيب لو محتاج أمنع الشروخ اللى بتحصل فى المنشأ و أقاوم حركات التمدد والانكماش ” الشد الأفقى ” بسبب درجات الحرارة !!؟؟
هنا بستخدم فاصل التمدد .

و أخد بالى كويس من الحد الاقصى لابعاد المنشا على حسب نوع المنطقه سواء منطقه حاره او بارده ؟
فبنفذ الفاصل كل 40 الى 45 متر فى المناطق البارد
و من 30 الى 35 متر فى المناطق الحاره ” الكود المصرى “

و لا يتم فصل الاساسات طبعاً فى فواصل التمدد .

و إن كان فيه توجه جديد و دراسات بتقول إنى افصل فى الاساسات كمان لتاثير الحراره عليها

ويتم ملئ الفاصل الاخر بعازل حرارى قوي يعنى ضغط الخرسانه مش هياثر عليه .
و يتم تغطيه مكان الفاصل بماده خشبيه او معدنيه .

و لكن الشغل الشائع بندافع عنه بأن تأثير الحرارة عندنا فى الشرق الأوسط مش بيظهر فى التربة بشكل كبير و كمان شركات العزل بتهرب من المنشأت دى و بترفض أنها تضمنلك العزل فى حالات وجود الفواصل فى الأساسات

و عادة بيكون بعرض 2 سم و فى الأسوار المستمرة من المبانى لازم فاصل بحد أقصى كل 12 متر .

طب لو عندى اختلاف فى نوع التربة تحت المنشأ الواحد أو وجود اختلاف كبير فى الأحمال ” الحالة الأشهر مئذنة المسجد ”

 هنا بنفذ فاصل الهبوط

يعني مثلا لو المنشأ جزء منه علي تربه طينية والجزء الآخر علي تربه رمليه (دى حاله مستحيله طبعا ) ومع ذلك ممكن في حاله زى دى اعمل فاصل هبوط لأن الهبوط في التربه الرمليه بصفر اما في الطينيه بتبقي فيه قيمه للهبوط ..
بيتم فصل المنشائين عن بعضهم تماما بحيث يكون كل منشا كأنه منشا مستقل تماما عن الاخر لازم طبعا ناخد بالنا ان مفيش حديد بيكمل فى فاصل نهائى ( ودا خطا كارثى ) وممكن يعدى على بعض الناس ولو حصل فالحديد بيكمل معرض للعوامل الجويه والرطوبه ومعرضه للصدا ومن مرور الزمن بيكون المنشا كله معرض للخطر ..

طب انا اصمم ازاى من غير فاصل ؟؟ عندك اجهاد نتيجه فرق درجه الحراره بين بره وجوه أو عندك اجهاد نتيجه هبوط كام سم و تحسب ال Moment لكن غير اقتصادية 

فاصل الصب ..

فنتيجه ظروف معينه زى المطر او عطل اثناء الصب او طول الصبه .
بعمل فاصل الصب ازاى بقى اختار مكانه ده الأهم …

في مدرستين

1: المدرسة الاولى بتقول انو هو عند الزيرو شير (Zero shear)

2: المدرسة التانية بتقول انو هو عند الزيرو مومنت(Zero moment)

بالنسبة للكود المصري..
فى الغالب بتتنفذ عند انعدام العزوم وبيتم تنفيذها عند خمس البحر وباخد بالى اوى انى لو عملت فاصل صب يبقى لازم بيتعمل بزاويه مائله ب 45 درجه ولما تبدا الخرسانه تشك اخشن سطح الصبه علشان يبقى فى ترابط كويس بين الخرسانه القديمه والجديده او نستخدم ماده رابطه زى #الايدبوند مثلا ..

ودا ملف شرح لكل أنواع الفواصل زى فواصل العزل و التحكم و الضغط و صور تنفيذها و تفاصيل التسليح ….  للتحميل 

Tags:

You may also like...

0 thoughts on “الفواصل الانشائيه”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *