اعمال الحفر والاحلال

اعمال الحفر والاحلال

 

فى خطوات أساسية فى اعمال الحفر والاحلال بننفذها بالترتيب فى الموقع عشان تضمن جودة العمل :

– بنبدأ بتحديد ابعاد ومنسوب الحفر و المساح بيعمل استوكات strikeouts دى بتبقى حدود الأرض .

و خاصه اذا كان المشروع فى الصحراء ولايوجد مبانى مجاوره عن طريق المساح هيقوم بتوقيع نقاط المبنى باستخدام Total station او GPS من خلال نقطه معلومه (روبير) .

– عمل ميزانيه شبكيه لتحديد المناطق المرتفعه والمنخفضه .

-بعد كدا حضرتك بقى كمهندس هتحدد أبعاد منطقه الحفر من لوحه الاساسات و بيكون معطى رفرفه الحفر من وش القاعده العاديه او ممكن يحددها الاستشارى ليك ولازم تقرأ الملاحظات الموجوده فى اللوحه (مهمه جدا) وتحدد منسوب الحفر من تقرير التربه .

-معاك طريقتين فى تحديد ابعاد الحفر .

1- ان يكون معاك لوح المشروع على الجهاز الخاص بيك وفى ثوانى من خلال Autocad تقدر تحدد ابعاد الحفر بعد ما عرفه الرفرفه كام
2-وممكن تحسبها manual فى الموقع بس لازم تراجعها اكتر من مره ورجعها مع الاستشارى

 كدا نبدأ فى عملية الحفر

– هتحدد حدود الحفر اما بسيخ حديد وخيط او بشيكاره جبس واثناء عمليه الحفر المقاول هيتابع المنسوب باستمرار

– هنا دورك فى استلام منسوب الحفر (مسموح بحدود 3سم اعلى او اقل من المنسوب المطلوب)

– طبعا ابعاد الحفر هى نفسها ابعاد الاحلال وطبقا لتقرير التربه هتنفذ طبقه الاحلال .
فمثلا لو كانت طبقه الاحلال 1.5 متر وكل طبقه من طبقات الاحلال بسمك 25سم مع دمك كل طبقه.
-اول حاجه هعملها هحدد منسوب الطبقه الاول باستخدام الميزان وهعلم بspray وهعلم على جوانب الحفر(تقرير التربه هيحدد نوع طبقه الاحلال سواء كانت رمل او خليط من الرمل والزلط وهيحدد المواصفات الفنيه ).

ولازم تتأكد ان طبقه الاحلال مطابقه للمواصفات علشان المقاولين منعدمى الضمير بيغشوا فيها .

-اثناء عمليه الدمك يتم الرش بالماء لزياده التماسك وتقليل الفراغات و نحصل على دمك جيد كافى ولازم تزود طبقه الاحلال 5سم لانها هتقل اثناء الدمك طبعاً …

-الهراس يقوم بالدمك طولي وعرضي فى الموقع طب هتوقف الهراس امتى ؟ لما ميظهرش أى اثر لعجلات الهراس فى التربه اللى بيمر عليها .

– دورك فى استلام منسوب الطبقه الاولى وعمل ميزانيه شبكيه لها وتحديد اماكن النقاط المرتفعه والمنخفضه (لازم طبقه الاحلال الاخيره تبقى مظبوطه علشان الخرسانه العاديه تبقى مظبوطه)

الاختبارات

1-sand cone test
-بعد الانتهاء من طبقه الاحلال الاولى فنى معمل التربه يأخذ العينات من مناطق عشوائيه وده لينك لفيديو يوضح الاختبار

 

1- اقرأ الاوزان عند وزن العينات

2- خلى بالك من شغل الفنى و تأكد أن مفيش أوزان داخل الكيس علشان يزداد الوزن .
3-المقاولين لو مش ظابط شغله هتلاقيه اثناء الاختبار هيرش الطبقه بالماء لانه عارف ان محتوى الماء هيؤثر على الوزن .

ملحوظه اخيره : نسبه الدمك لاتقل عن 95% ولو قلت هيتم الدمك مره اخرى بالهراس مع الرش بالماء .

Tags:

You may also like...

0 thoughts on “اعمال الحفر والاحلال”

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *